I l civico mercato di Sassari. Testimonianze e racconti di un cambiamento est unu progetu tzinematogràficu indipendente chi leat forma in su 2011, cando in Tàtari b’aiat àera de trasferimentu de su mercadu betzu a s’àrea noa, a curtzu a sa ghenna antiga de su masellu, (cugione intre Carrera de su Mercadu – Carrera de Ruseddu) inaugurada dae s’amministratzione atuale in su mese de nadale de su 2012.
Su docu-film contat istòrias de traballu, de una vida colada in custu logu tzitadinu de cuncàmbios, in ue est galu costoida sa traditzione cummertziale de sas atividades econòmicas printzipales e istòricas de Tàtari: su traballu de sos massajos, s’allevamentu de bestiàmene, sos carnitzeris e sos piscajolos. Sa serrada definitiva de s’àrea betza de su Mercadu Tzìvicu at marcadu, pro seguru, unu mudamentu a su coro istòricu de sa tzitade, ma s’atzisu de s’agorà tzitadina antiga est semper abarradu in su’imàginàriu colletivu.
Su film documentàriu torrat a praticare s’istòria de su mercadu tzìvicu movende dae sos documentos iscritos de Enrico Costa e contende s’ànimu populare, culturale e econòmicu de su mercadu tataresu e de sos personàgios suos, finas a descrìere sos mudamentos de s’interfache noa e urbana marcada dae s’evolutzione econòmica de sa tzitade in dies de oe. S’anteprima cun sas mùsicas originales de su cantadore tataresu Baìngiu Riva
.