BOGHES DAE S’ARGENTIERA – Voci dall’Argentiera. La Piccola Parigi

Su documentàriu ponet paris sas boghes e sa memòria de sos ùrtimos abitantes de s’Argentiera, bidditzolu antigu de minadores, in provìntzia de Tàtari. Dae sos ammentos issoro essit a campu sa vida de tando in sa mina e sas imàgines acumpangiadas dae sos problemas sotziales e culturales de su tempus. Annos marcados dae su traballu de estratzione e dae s’ingannu de sa maladia cajonada dae su minerale. S’istòria s’isterret cun sos contos, a bias curiosos e a bias amargurosos, de ses persones e de unu giòvanu. Testimòngios, tràmite sas generatziones de sas famìlias issoro, de sos annos chi s’Argentiera divengeit unu microcosmu sotziale: su traballu e su sacrifìtziu, su tzìnema e sas festas, ma fintzas sas diferèntzias de classe, su perìgulu in galleria, sa silicosi, sa morte.
Temas e emotziones descritas dae sas boghes de s’Argentiera, chi ant chertu donare, cadaunu cun s’esperièntzia sua, unu bìculu personale meda de sa “Parigi Minoredda”. Gasi li naraiant a su bidditzolu mineràriu. Unu tzentru piticu meda subravìvidu finas a oe a s’abbandonu e a s’ispopulamentu.