STRASCICO A NORD

S trascico a Nord – Una pesca per resistere est unu progetu tzinematogràficu chi collit a pare istòrias e contos de pisca de sos marinajos de Portu Turre, impignados cada die in sas 11 moto-barcas pro sa pisca a trasìngiu in su Gulfu de s’Asinara. Su contu de sa pisca a trasìngiu est betza sete sèculos, a su de XIV: oe sas tècnicas sunt mègius, ma in Portu Turre sas cunditziones de traballu sunt difìtziles meda. Sa pisca a trasìngiu est acusada de èssere còmplitze de su protzessu industriale e de s’ammuntonamentu capitalista, unu sistema de gabbale pro su rifornimentu umanu de mandigòngiu in su mercadu ìticu, in una pràtica chi faghet a bisera s’ecosistema. S’oriolu subra sa sustenibilidade sua est essida bene a campu in sa prima metade de su de XX sèculos e oe est galu creschende. In sos annos ’70 a sa tzitade de sos piscadores arribeint sas resursas guvernativas italianas pro s’isvilupu industriale. Rovelli investeit su dinare in Sardigna e cun sa SIR fraigheit una ruina, su petrolchìmicu de Portu Turre. Oe in sa tzitade, chi diat pòdere torrare a investire subra de una resursa de importu comente sa pisca, b’at petzi carchi moto-barca a trasìngiu, pagas pro pòdere resìstere a sa morte de unu setore intreu.