“T utti a Iscol@” – Lìnia B1 Annu iscolàsticu 2016/2017. Litzeu Magistrale Castelvì Tàtari. Laboratòriu didàticu Nois – Limbàgios àudio-visivos noos pro un’educatzione interculturale in iscola (fotografia, limbàgios, vìdeos)

Laboratòriu multi-disciplinare a inghìriu de s’aprendimentu de su limbàgiu àudio-visivu e de s’impreu de sos telefoneddos pro un’educatzione a sa multi-culturalidade e percursos de anti-ratzismu, paris cun s’esploratzione e cun sa narratzione tràmite imàgines de su territòriu e de sos abitantes suos.

Su progetu de su laboratòriu CIAK! At interessadu unu grupu de giòvanos de Portu Turre (SS), proponende unu percursu de narratzione tràmite su vìdeu partetzipativu, s’arte de si contare e de contare sos ispàtzios personales e s’impreu de s’imàgine comente forma de relatzione e de agregatzione. Su documentàriu fiat su limbàgiu propostu pro descrìere sa pròpia tzitade dae miradas generatzionales noas tràmite sa pràtica tzinematogràfica in su campu. Comuna de Portu Turre – Consulta del Volontariato Portotorrese -2016

N AKO est nàschidu in s’istrutura agriturìstica “Donnedda”, in provìntzia de Nùgoro. Sunt sos refugiados sos protagonistas de custu contu àudio-visivu chi cheret èssere mèdiu de espressione e de àuto-rapresentatzione. Sos cuntenutos collidos in ocasione de addòvios, cuncàmbios, ripresas e vìsitas currispondent a istòrias personales, a intervistas discursivas e a espressiones creativas de cuntzetos culturales, siat individuales e siat colletivas.

Tzentru de prima acollida pro rechedentes asilu – Sarule (NU)-2016

Sos istudiantes ant seberadu e ant intervistadu testimòngios diretos improvisende·si in s’impreu de sas videocàmeras e de sas càmeras fotogràficas. Ant àpidu sa possibilidade de si nch’agatare in su rolu de autores de una chirca documentària e, in su matessi tempus, de èssere protagonistas cara a sas telecàmeras. S’atualidade de su tema, sas emigratziones e sos deretos umanos, e sa realidade indagada in prima persone, ant favorèssidu sa possibilidade manna de aprofundimentu e de cunfrontu subra sos temas de su biàgiu, de sos deretos umanos e de sas emigratziones cuntemporàneas.

Classe IVg de su Litzeu Magistrale “Castelvì” de Tàtari – sede de carrera de Ìstria. 2016